في يوم صحيت علي صوت زعيق
كانوا الجيران غاوين حمام قام الحمام أكل الفريك
كان الفريك بتاع سهام
أما الحمام كان لابتسام
ضَربت سهام عيال ابتسام وقعدت تكتر في الكلام
قالت الحمام أكل الخزين كله ....حرام
قال و الخزين فيه التموين وفيه فطير
قال والفطيرة كأنها بدر التمام
وإيه كمان قال الحمام كسر الرخام
ندهت سهام علي هيام
قالت سهام يا لهوتي راح التموين والسكر خام
قالت هيام طب اعقلوا حبه احترام
حتى اعملوا خاطر لسيدنا صاحب المقام
زهقت سهام من الكلام قالت أنا هرفع قضيه
هشتكي فيها الولية وطيورها المستعفية
ندهت حكشه المحامي دا محامي 100 100
محامي كبير قانونجي
وقف عمله رجه
ولسه بيستهجي وقف داخل مبارزه
قال القضية خلصت
ولازم امشي حالا تعبان ولا مأخذه
وثاني يوم صحينا فيه من المنام
علي صوت ابتسام تصرخ تقول فين الحمام
م عين تنام حتى يعود كامل تمام
وأنا قايمه من الساعة واحده جيبوا الأمم المتحدة
وأنا واحده ست وليه وقضيتي بقت دوليه
والكل عليا لايم حد يدور يا بهايم
والجو هيبقي غايم لو ما رجعش النسايم
وسهرنا في عز المطروالليل كله خطر
وحسين معانا جوز ابتسام
وكمان عليوه خطيب سهام
وعملنا يومها كمين تمام للص دا ابن الحرام
ظهروا اللصوص لفين عمايم وطلعوا مين جمي اللقيم
ومعاه أبوه اسمه مبارك ونده عليوه قوم يا حسين وطفي نارك
مسك حسين في طوق لتنين وراح عليوه نده سهام
وجت سهام ويا ابتسام
وضربنا فيهم أنا وحسين وعليوه كمان
زعقت سهام فين الحمام بتاع ابتسامأ
ما ابتسام فين الخزين والسكر فين يابن اللقيم
قر الحرامي وقال بلاوي
أما الخزين راحت سوزان وسط الميدان
باعت السكر ويا الزيت والعدس كمان
أما الحمام ذبحت سوزان الكل قوام
حشت الفريك من غير شريك
وكل جمال ويا علاء وبعدين نام
وسالت يومها سؤال تمام
وقلت مين كسر الرخام
حلف مبارك بسيدنا دا صاحب المقام
بأنه زاره في المنام
وقاله ضحي بكبشين ثمان
وجيب معاهم حته رخام
واكتب عليها هذا الكلام
غدر الزمان يا حسني ما لوش أمان
وارحم بقي وخلي عندك حبه إيمان
شايفك بتنهب في الخلايق وعدي عليك بدل الزمان 26 زمان
ودي كانت حكايه كتبتها مش من سنين
لا من يومين
وقريتها تاني مرتين
قلت لنفسي
أما كلام مجنين
ليست هناك تعليقات:
إرسال تعليق